САҚ БОЛ, «ДРОППЕР» БОЛМА!
САҚ БОЛ, «ДРОППЕР» БОЛМА! 
Бүгін мектебімізде 8-11 сынып оқушылары үшін аса өзекті тақырыпта кездесу өтті. Нұра ауданының полиция бөлімінің қызметкерлері — полиция майоры Смаилов Еркінжан Сергалиевич және полиция лейтенанты Сабыр Ақжол Ержанұлы оқушыларға «дропперлік» қаупі туралы түсіндірді.
Дроппер деген кім? Бұл — біреудің заңсыз ақшасын өз картасы арқылы өткізіп, пайыз алатын адам. Көбіне интернет-алаяқтар жастарды «жеңіл табыс» ұсыну арқылы алдайды.
Кездесуде не айтылды? Банк картасын немесе жеке деректерді бөгде адамдарға берудің соңы қылмыстық жауапкершілікке әкелетіні; Интернеттегі күмәнді жұмыс ұсыныстарынан қалай сақтану керектігі; Заңды білмеу жауапкершіліктен босатпайтыны туралы нақты мысалдар келтірілді.
Полиция қызметкерлері оқушыларды қырағы болуға және тез келетін заңсыз табысқа қызықпауға шақырды. Өз болашағыңды алаяқтардың құрбаны болу арқылы бүлдіріп алма!
