Отан қорғаушылар күні мерекесіне орай мектебіміздің 3-сынып оқушыларымен «Ел ертеңі – бүгінгі жас ұландар» атты салтанатты сынып сағаты өткізілді.Басты мақсаты – өсіп келе жатқан жас ұрпақтың бойында патриоттық рухты ояту, Отанға деген сүйіспеншілікті арттыру және қазақ әскерінің айбынын ұлықтау.Сынып сағаты барысында:Оқушылар Қазақстан Қарулы Күштерінің құрылу тарихымен танысып, ата-бабаларымыздың ерлік жолдарын еске алды;«Болашақ сарбаз» атты интеллектуалдық сайыс ұйымдастырылып, оқушылар ептілік пен білімділік танытты;Оқушылар Отан, батырлық және бейбітшілік туралы жыр шумақтарын оқып, патриоттық әндер шырқады.Шара соңында болашақ Отан қорғаушылар – сыныптың ұл балаларына естелік сыйлықтар табысталып, ізгі тілектер айтылды. Бұл кеш балаларға ерекше мерекелік көңіл-күй сыйлап, олардың елжанды азамат болып өсуіне жол сілтеді.
