Балабақша аумағын абаттандыру жұмыстары кезінде балалар мен қызметкерлердің қауіпсіздігін қамтамасыз ету туралы ақпарат
Балабақша аумағын абаттандыру және көгалдандыру жұмыстары барысында тәрбиеленушілер мен қызметкерлердің өмірі мен денсаулығының қауіпсіздігін қамтамасыз ету мақсатында «Балабақша аумағын абаттандыру жұмыстары кезінде балалар мен қызметкерлердің қауіпсіздігін қамтамасыз ету туралы» бұйрық шығарылды. Бұйрықта жөндеу және абаттандыру жұмыстары жүргізілетін аумақ толық қоршалу, бөгде адамдардың және балалардың кіруіне тыйым салу, қауіпті аймақтарға ескерту белгілері мен қоршаулар орнату, балабақша әкімшілігі тарапынан жөндеу жұмыстарының барысына күнделікті бақылау жүргізу, қызметкерлерге еңбек қауіпсіздігі және төтенше жағдайлардың алдын алу бойынша нұсқама өткізу, өрт қауіпсіздігі талаптарының сақталуы қамтамасыз етіліп, алғашқы өрт сөндіру құралдарының жарамдылығын тексеру, санитариялық-гигиеналық талаптардың орындалуы тұрақты бақылауда ұсталып, жұмыс аяқталғаннан кейін аумақ толық тазартылып отыру туралы көрсетілген.
Сонымен бірге, балабақша аумағын абаттандыру жұмыстары кезінде тәрбиеленушілердің қауіпсіздігін қамтамасыз ету жөніндегі іс-шаралар жоспары жасалынып бекітілді.
Қабылданған шаралар балалар мен қызметкерлердің қауіпсіздігін қамтамасыз етуге, жазатайым оқиғалардың алдын алуға және абаттандыру жұмыстарын қауіпсіз жағдайда жүргізуге бағытталған.
