Қош келдің, Білім күні!
Күздің алғашқы күнімен бірге шағын орталығымыздың табалдырығын аттаған бүлдіршіндеріміз үшін нағыз мереке басталды. Білім әлеміне қадам басқан кішкентай бүлдіршіндеріміз бұл күнді ерекше қуанышпен және зор ықыласпен қарсы алды.
Мерекелік ертеңгілік барысында балақайларымыз өз өнерлерін ортаға салды:
* Білім, мектеп және күз туралы жүрекжарды тақпақтарын нақышына келтіріп оқыды;
* Көтеріңкі көңіл-күй сыйлайтын әуезді әндерін шырқады;
* Көздің жауын алатын мың бұралған билерін билеп, жиналған қауымды тәнті етті.
Бұл күн балалардың есінде білімге деген алғашқы құштарлық пен ұмытылмас шаттық сәттері ретінде қалары сөзсіз. Балғын шақтың бал күндері сәттілікке толы болсын! Білім жолындағы алғашқы қадамдарың құтты болсын, кішкентай бүлдіршіндер!
