Апталық аясында балалардың логикалық ойлау қабілетін дамытуға арналған «Артық затты тап» логикалық ойыны, көңілді есептер және «Сандар сөйлейді» атты танымдық ойындар өткізілді. Сонымен қатар «Көрме математика» бұрышы жасақталып, балалардың шығармашылық жұмыстары мен қызықты математикалық тапсырмалары қойылды.
«Артық затты тап» ойынында тәрбиеленушілер заттарды салыстырып, олардың ұқсастықтары мен айырмашылықтарын анықтап, өз ойларын еркін жеткізе білді. Бұл ойын балалардың зейінін, ойлау жылдамдығын арттырды.
Көңілді есептер барысында балалар қарапайым математикалық амалдарды орындап қана қоймай, тапқырлық пен шапшаңдық танытты. Ал «Сандар сөйлейді» ойыны арқылы сандардың маңызын түсініп, оларды күнделікті өмірмен байланыстыра алды.
Шара барысында балалар белсенділік танытып, қызығушылықпен қатысты. Математика апталығының қорытынды күні тәрбиеленушілер үшін есте қаларлықтай әсерлі де мазмұнды өтті.