«Адал азамат»
«Адал азамат» біртұтас тәрбие бағдарламасына сәйкес, Жеңіс күніне арналған іс-шаралар жоспары аясында Баршын тірек мектебінде «Қазақстан – ортақ үйіміз» тақырыбында сенбілік жұмыстары ұйымдастырылды.
Сенбілік барысында оқушылар мен ұстаздар тарихи орындар мен ескерткіштердің айналасын тазалап, абаттандыру жұмыстарына белсене қатысты.
Іс-шараның мақсаты – туған жерге деген сүйіспеншілікті арттыру, тарихи мұраларға құрметпен қарауға тәрбиелеу және қоршаған ортаның тазалығын сақтаудың маңызын түсіндіру болды.
Жас ұрпақ ел тарихына тағзым жасап, ортақ үйіміз – Қазақстанның тазалығы мен көркеюіне өз үлестерін қосты.
Сенбілікке қатысқан барлық оқушылар мен ұстаздарға алғыс білдіреміз! Таза орта – жарқын болашақ кепілі!
