Ұлыстың ұлы күні – әз-Наурыз мерекесі
Ұлыстың ұлы күні – әз-Наурыз мерекесі мен 20 наурыз – Ұлттық спорт күніне орай игі бастама жүзеге асуда. Кертінді ауылынан түлеп ұшқан мектебіміздің 2001 жылғы түлектері туған мектебіне қолдау білдіріп, оқушыларға арнап асық атудан жарыс ұйымдастырды. Бұл – ұлттық құндылықтарды дәріптеп, салт-дәстүрімізді ұрпақ санасына сіңіруге бағытталған тағылымы мол шара.
Осындай сауапты іске ұйытқы болып, демеушілік танытқан түлектерімізге шынайы алғысымызды білдіреміз. Сіздердің қолдауларыңыз – жас ұрпақтың рухын көтеріп, ұлттық ойындарға деген қызығушылығын арттырары сөзсіз.
Ұлттық дәстүріміз жаңғырып, ұрпақтар сабақтастығы жалғаса берсін!
Ізгі істеріңізге береке, еңбектеріңізге табыс тілейміз!
Ұлыстың ұлы күні құтты болсын!
