Жазғы демалыс: балалар қауіпсіздігі – басты назарда
Жазғы каникулдың басталуымен балалар көшеде, аулаларда, ойын алаңдарында және қоғамдық орындарда көбірек уақыт өткізеді. Осы кезеңде ата-аналар мен ересектер тарапынан балалардың қауіпсіздігіне ерекше көңіл бөлу маңызды.
Полиция қызметкерлері балаларға қарапайым, бірақ маңызды ережелерді сақтауды ескертеді: бейтаныс адамдармен сөйлеспеу, жол қозғалысы ережелерін сақтау, серуен кезінде мұқият болу, сондай-ақ велосипед, самокат және ролик тепкен кезде міндетті түрде қорғаныс құралдарын пайдалану қажет.
Осындай сақтық шаралары жазатайым оқиғалардың алдын алып, балалардың жазғы демалысын қауіпсіз, белсенді әрі көңілді өткізуге көмектеседі.
Жаз мезгілі жарқын әсерлерге, көтеріңкі көңіл-күйге және қуанышты сәттерге толы болсын!
