05.03.2026 ж. Р.Қошқарбаев атындағы ЖББ мектебінде 8–9 сынып оқушылары арасында “Bookstagram” форматында сандық сауаттылыққа бағытталған қызықты шара өтті. Іс-шара барысында оқушылар қазақ әдебиетінің көрнекті тұлғалары — Бауыржан Момышұлы мен Бердібек Соқпақбаев шығармаларына тоқталды. Атап айтқанда, Ұшқан ұя және Менің атым Қожа кітаптарының мазмұны талданып, кейіпкерлер әлемі мен тәрбиелік мәні кеңінен түсіндірілді. Оқушылар шығармалардың негізгі идеяларын талқылап, өз ойларымен бөлісіп, кітап оқуға деген қызығушылықтарын арттырды. Сонымен қатар “Bookstagram” форматы арқылы кітаптарды әлеуметтік желіде таныстыру, пікір жазу және цифрлық ортада әдебиетті насихаттау дағдыларын дамытты. Осындай шаралар жас ұрпақтың кітапқа деген сүйіспеншілігін арттырып, сандық сауаттылығын дамытуға үлкен үлес қосады.
