2026 жылғы 8 қыркүйекте Р. Қошқарбаев атындағы жалпы білім беретін мектепте Қазақстан Тілдері күні мерекесіне орай 8–9 сынып оқушылары арасында «Тіл білгірі» интеллектуалдық сайысы өткізілді. Іс-шараны қазақ тілі мен әдебиеті пәнінің мұғалімі Балмағанбетова Т. Б. ұйымдастырып, өткізді. Іс-шараның мақсаты – оқушылардың мемлекеттік тілге деген құрметін арттыру, қазақ тілін меңгеру деңгейін жетілдіру, сөздік қорын молайту, логикалық ойлау қабілеті мен танымдық белсенділігін дамыту, сондай-ақ тіл мәдениетін қалыптастыру. Сайыс барысында оқушылар қазақ тілі бойынша білімдерін көрсетіп, түрлі интеллектуалдық тапсырмаларды орындады. Қатысушылар өздерінің білімділігін, тапқырлығын, шапшаңдығын және белсенділігін танытты. Іс-шара оқушылардың тілге деген қызығушылығын арттырып, ана тілін құрметтеуге және ұлттық құндылықтарды дәріптеуге бағытталды. Тіл – ұлттың рухани негізі, халықтың мәдениеті мен тарихын ұрпақтан ұрпаққа жеткізуші құндылық.