28 қаңтар күні Қарағанды облысы білім басқармасының КММ «Аутизмі бар балаларды қолдау орталығында» «Шаңырақ» ата-аналар клубы аясында ата-аналар жиналысы өтті. Уақыт тауып, белсенді қатысқан барлық ата-аналарға шын жүректен алғысымызды білдіреміз!
Кездесу барысында біз:
- Орталықтың жұмысы, мақсаттары және келу ережелері туралы айттық;
балалардың дамуын бағалау тәсілдері мен диагностика үдерісін жан-жақты талқыладық;
- Тәрбиеленушілерімізбен жүргізілетін оқыту бағдарламалары мен әдістемелерді таныстырдық;
- Ата-аналарды мазалаған маңызды сұрақтарға жауап бердік.
Сіздердің сенімдеріңіз, ашық диалогқа дайын екендіктеріңіз және балаларыңыздың дамуына деген қызығушылықтарыңыз біз үшін өте құнды
Мамандар мен ата-аналардың бірлескен жұмысы ғана ең жақсы нәтижелерге қол жеткізуге мүмкіндік береді.
Бізбен бірге болғандарыңыз үшін рақмет!
Балаларымыздың болашағы үшін - бірге жұмыс жасайық!
