Аутизмі бар балаларды қолдау орталығы Орталық Қазақстан Академиясының психология факультетінің студенттеріне арналған Ашық есік күнін өткізді.

Орталыққа бірінші және екінші курс студенттерінен құралған 25 білім алушы қонаққа келді. Болашақ мамандар мекеменің жұмыс бағыттарымен, аутистік спектрінің бұзылыстары бар балаларды сүйемелдеуге арналған бағдарламаларымен танысып, мамандарға өздерін қызықтырған сұрақтарын қойып, кәсіби түсіндірмелер алды.
Студенттер үшін орталықтың жұмыс барысын көру, түзету-дамыту сабақтарының ұйымдастырылуы және балалармен өзара әрекеттесу ерекшеліктерімен танысу ерекше қызығушылық тудырды. 
 Осындай кездесулер жастардың кәсіби бағдарын айқындауда маңызды рөл атқарады, инклюзия құндылықтарын терең түсінуге ықпал етеді және болашақ психологтардың ерекше білім беру қажеттіліктері бар балалармен жұмыс істеуге кәсіби дайындықтарын қалыптастырады.