8 наурыз мерекесіне арналған ертеңгілікті “Тәттімбет”- атындағы өнер колледжінің студенттерінің өткізуі игі дәстүрге айналды.

Жыл сайын олар балаларымызға музыкаға, күлкіге және шынайы сиқырға толы ерекше мерекелік көңіл күй сыйлайды. Ізгі де ашық жүректеріңіз үшін, ертегі әлеміне еніп қана қоймай, оның бір бөлшегіне айналу мүмкіндігін сыйлағандарыңыз үшін шын жүректен алғыс айтамыз.

Мұндай кездесулердің инклюзия құндылықтарын нығайта түсетіні ерекше қуантады - әрбір бала өзін маңызды, қабылданған әрі сүйікті сезінеді. Сахна тең мүмкіндіктер алаңына айналып, өнер барлық шекараны жояды.
Сыйлаған жылу мен мейірімдеріңіз өздеріңізге еселеп қайтсын!